Изданието „Детето со ѕвезда на челото“ претставува ексклузивно издание во тврд повез со македонски народни приказни за деца, адаптирани од Ана Витанова Рингачева.
Изданието претставува избор на прозни фолклорни единици, адаптирани соодветно на возраста на децата. Басните, волшебните и реалистичните народни приказни како интегрален дел од македонското народно творештво, се јазично и визуелно адаптирани за да бидат привлечни за читателите. Лексички многу богати, со убава нарација, приказните носат свои пораки и наравоученија. Оваа едиција се стреми кон афирмација на македонското фолклорно богатство и негово приближување до светот на децата.